10 ΜΑΙΟΥ ΜΑΝΑ ΕΙΝΑΙ ΜΟΝΟ ΜΙΑ.

Η ΠΟΝΤΙΑΚΗ ΕΚΔΟΧΗ ΓΙΑ ΤΗΝ ΜΑΝΑ.

Η ΜΑΝΑ ΕΝ ΚΡΥΟΝ ΝΕΡΟΝ.

Όταν γερά η μάνα και άλλο κε μπορεί, (2)

α τότε θέλ' βοήθειαν, α τότε θέλ' ζωήν,

α τότε θέλ' ζωήν.

Όταν θα έρτε η ώρα και άλλο κι θα ζει,

αμά και φτάσ' το χρέωσις θα καίεται η ψυ' σ'.

.

Η μάνα εν κρύον νερόν και σο ποτήρ κε μπαίν'

η μάνα να μη ίνεται, η μάνα να μη εν',

η μάνα να μη εν'.

.

Η μάνα εν' βράχος, η μάνα εν' ραχίν, (2)

σο δύσκολον την ώρας μανίτσα, μανίτσα,

μανίτσα μ' θα τσαείς.

Η μάνα εν' το στήριγμαν, τη χαράς το κλαδίν,

τ' ατηνές η εγάπη κε βρίεται ση γην.

.

Η μάνα εν' κρύον νερόν και σο ποτήρ κε μπαίν'

η μάνα να μη ίνεται, η μάνα να μη εν',

η μάνα να μη εν'.

.

Θα δεβένε τα χρόνια, θα έρουμε και μεις, (2)

ατά είναι με τη σειράν κι θα γλυτών' κανείς,

κι θα γλυτών' κανείς.

Και όλ' πρέπ' να εξέρουμε σ' αούτο τη ζωήν

χωρίς τη μάνας την ευχήν κανείς κε 'λέπ' χαΐρ.

.

Η μάνα εν' κρύον νερόν και σο ποτήρ κε μπαίν'
η μάνα να μη ίνεται, η μάνα να μη εν',
η μάνα να μη εν'.

.